Kailan ma'y hindi namin naisip na makakasama kami sa grupo ng manunulat sa GABAY, lalo na ang aking sister wife na isang "Inglesera."
May karanasan kami sa pagsusulat ng thesis sa paaralan pero hindi sa pagninilay. Nang dumalo kami sa GABAY retreat, iyon na pala iyon! Itinakda ng Diyos na ang mga karanasan naming mag-asawa ay maibahagi sa iba.
Salamat sa Diyos at tinugon Niya ang aming samo't dalangin na maging asin at liwanag kami para sa kapwa. Tama kayang ipakilala namin ang aming sarili bilang sina "Art Salt at Maris Light?"
Kung ang aming sinulat ay magpapalasa sa pagkain ng kaluluwa at magbibigay liwanag sa nadirimlang isip, marahil karapat-dapat nga! Siguro kaya pinadaan kami sa maraming problema ay para maisulat namin na ito'y bahagi ng pagdadarang sa amin ng Panginoon sa apoy upang maihugis kami ayon sa Kanyang plano para sa amin.
about us
archives
e-mail us
subscription
