|
Disyembre
Sabado
THEA
Kaya magbantay kayo, sapagkat hindi ninyo alam kung anong araw paririto ang inyong
Panginoon.
- Mateo 24:42
Abala ako sa mga gawain ng kapatiran nang namatay ang pinsan kong si
Thea. Isang taon ang tanda niya sa akin at magtatapos siya bilang medical
technologist.
Halos dalawang taon kaming hindi nagkita, kaya lalo siyang nalungkot
nang sumapi ako sa AFC Community at noon di'y gusto niya akong sundan.
Nagsimulang maging balisa at malungkutin si Thea, sumusumpung ang
sakit ng ulo. Dahil sa sobrang sakit kailangan siyang buhatin papuntang
ospital at na-comatose matapos na naramdamang may pumutok na ugat sa
kanyang ulo. Limang araw siyang walang malay at nakaratay at may
nakakabit na maraming suwero sa katawan.
Panalangin ko sa Diyos na maganap ang Kanyang banal na kalooban kay
Thea. At dininig ni Jesus ang aking samo. Pagkatapos ng limang araw na
paghihirap, kinuha na si Thea ngunit hindi pa rin kami nagkita, kahit sa
huling pagkakataon. Wala akong nagawa kundi ialay at itaas siya sa
Panginoon nang buong puso kahit lubhang napakasakit tanggapin ang
kanyang paglisan.
Anonimo
|
1Basa: Isaias 2:1-5
Salmo 122:1-9
2Basa: Roma 13:11-14
Ebang: Mateo 24:37-44
PAGNINILAY:
Hindi natin alam kung anong oras at hanggang kailan tayo mabubuhay sa
mundo. Pahalagahan natin ang bigay ng Diyos na malayang buhay.
Banal na Jesus, nawa'y sa pagtawag Mo sa amin, kami'y maging handa; Katulad ng Mahal na
Birhen na patuloy na sinunod ang Iyong kalooban.
Sta. Bibiana,
birhen at martir,
ipanalangin mo
kami.
|